作词 : 农夫
作曲 : C君
当你好憎你爸爸 攞佢张结婚相睇吓
当晚佢娶你妈妈 首先要接新娘 啲姊妹无个似样
玩game定系玩命 玩过嘅都惊 惨过去O Camp
老婆喺度执妆 班兄弟俾人湿corn
个个都失仪 无人理吉时
好啦好啦搞吓搞吓终於去到摆酒
又要影相又要握手老婆俾人拐走
嗰几台啲亲戚 冇一个识 开饭到散席 见嘢就食
一家七口俾七旧 你老豆话 亲戚唔需要珍惜
万几蚊围要话酒微菜薄 万几人嚟（喂走未）再踱
外母又十围 奶奶又十围 两个人一齐啲家长要威
呢对夫妻坐低计一计 最紧要系（攞酒嚟）
搞一晚又无咗首期 佢当初最伟大冇得比

全世界讲一次恭喜（恭喜）
结婚即刻当晚有咗你（有咗你）
全世界讲多次恭喜（恭喜）
你生仔咪鬼激气 结婚相永久一世镶起

当你好憎你妈妈 攞你张BB相睇吓
你系点样变到而家 咁就要请返攞起验孕棒嗰晚
（恭喜恭喜） 恭乜喜 楼都未供得起 就要供你
一开头 一味系呕 一系好胃口到食得落一围酒
成日去厕所 但系一直 嚟嚟去去得一滴
呢样唔做得 嗰样唔食得 大肚婆净系识得抑郁
生仔仲要争位医院话唔系用人仔（抵你有问题）
等到作动一生生咗十个钟头 唔讲有几痛你老豆吓到要急救
话咁快就要喂人奶 啜到型都变埋都仲系唔够派
成个月 瞓一晚 唔死都虚脱 坐月未补返又要摆满月
姨妈姑姐多到 个个要姜醋 BB衫好多套 送现金好无
（有便便）要Po上Facebook（早一年）要报定Playgroup
以前36/24/36 今日？ 你老豆返咗大陆
佢当初最伟大冇得比

全世界讲一次恭喜（恭喜）
结婚即刻当晚有咗你（有咗你）
全世界讲多次恭喜（恭喜）
你生仔咪鬼激气 结婚相永久一世镶起

嘴佢（嘴佢） 除衫（除衫）
乾呀（乾呀） 乾呀（乾呀） 清啦

全世界讲一次恭喜（恭喜）
结婚即刻当晚有咗你（有咗你）
全世界讲多次恭喜（恭喜）
你生仔咪鬼激气 结婚相永久一世镶起
全世界讲一次恭喜（恭喜）
结婚即刻当晚有咗你（有咗你）
全世界讲多次恭喜（恭喜）
你生仔咪鬼激气 结婚相永久一世镶起