作词 : 阿凯桑
作曲 : 三智才让
编曲 : 三智才让
ཁ་ན་གསེར་བྱ་ངང་བའི་འཕུར་ལྡིང་ཡོད།།
གཏིང་ན་གསེར་མིག་ཉ་མོའི་འཁྱུག་འགྲོས་ཡོད།།
དབུས་ན་མ་ཧ་དེ་ཝའི་ཕྲ་རྒྱན་ཡོད།།
གསེར་ཆེན་རི་ལ་མཆོད་པ་བཤམས་འདྲ་ཡོད།།
འོ། མཚོ་མོ་དྭངས་ན་ངང་བ་གསེར་བྱ་ཡིན།།
མཚོ་མོ་དྭངས་ན་ཉ་མོ་གསེར་ཉ་ཡིན།།
འོ། ཁྲི་ཤོར་རྒྱལ་མོའི་ཁ་ཞེང་ཇེ་ཆེ་རེད།།
རུ་སྡེ་ཕྲ་མོའི་འཚོ་བ་ཇེ་སྐྱིད་རེད།།
འོ་་་་་་ང་ཡི་ཁྲི་ཤོར་རྒྱལ་མོ།།
ཇི་འདྲའི་བསོད་ནམས་རང་འགྲུབ།།
སྟོད་ཀྱི་གངས་ཆུ་འབབ་པའི་ཉིང་ཁུ་ཡིན།།
སྨད་ཀྱི་ཆུ་མིག་འཕྱུར་བའི་ཟེགས་མ་ཡིན།།
བར་ན་འཁྱིལ་བའི་མཚོ་ཆེན་ཁྲི་ཤོར་མ།།
ནམ་མཁའ་ས་ལ་ལྷུང་བའི་ཉམས་སྣང་ཡོད།།
འོ། མཚོ་མོ་དྭངས་ན་དངུལ་གྱི་རླབས་ཕྲེང་ཡོད།།
མཚོ་མོ་དྭངས་ན་གཡུ་ཡི་མེ་ཏོག་བཞད།།
འོ། ཁྲི་ཤོར་རྒྱལ་མོའི་ཁ་ཞེང་ཇེ་ཆེ་རེད།།
རུ་སྡེ་ཕྲ་མོའི་འཚོ་བ་ཇེ་སྐྱིད་རེད།།
འོ་་་་་་ང་ཡི་ཁྲི་ཤོར་རྒྱལ་མོ།།
ཇི་འདྲའི་བསོད་ནམས་རང་འགྲུབ།།
འོ་་་་་་ང་ཡི་ཁྲི་ཤོར་རྒྱལ་མོ།།
ཇི་འདྲའི་བསོད་ནམས་རང་འགྲུབ།།
ཇི་འདྲའི་བསོད་ནམས་རང་འགྲུབ།།