作词 : 黄伟文
作曲 : 蓝奕邦
「喂，我想问下呢，你用乜嘢包云吞㗎？
我妈咪呢，钟意用少少悲观。
佢碗嘢，难食啦紧系，但点都难鲠唔过个世界请我食嘅好多正嘢！
食食吓惯咗咯，甚至觉得本来臭嗰啲呢，好似都可以当芝士咁慢慢叹……」

年岁够大了 先发现 有趣真相
慈爱再同样 但母亲 怎会一样
云吞她算会做 而不算是擅长
而八岁时候 又却真心爱上
尝遍各地好菜 名贵气味色相
难在我妈妈 的一锅粗菜之上
难与美食比较 但有一种温馨无双
最错乱之际 能平伏 不好心情酝酿
陪我笑着过 未够美好的 人生
还有这卖相 未够美好的 云吞
生活处处有点破 但在母亲的炉头 受训
用各种 温情补不幸 是最简单 法印

「喂，你屋企用咩嘢包云吞㗎？
其实乜都包晒落去咪得啰，你食嗰阵猛谂住：「好温馨呀！好温馨呀！」
咪……咪得啰，咪好好味啰。 」

谁说努力干 终有日 会有赏赐
能勉强留下 未降班 都已不易
成长未必精彩 凭空去励的志
难对抗明日 六百种不满意
而我已洞悉了 凭我母亲机智
童稚已开始 交给我 大人谜语
如世界并不美 用哪种 心态自处
不美 但觉得美 难捱亦 总可包容至此
陪我笑着过 未够美好的 人生
还有这卖相 未够美好的 云吞
生活处处有点破 但在母亲的炉头 受训
面对这一池死水 还是间中翻滚
完美太易碎 预了有些 雪崩与地震
还会有饭吃 大概已不 比谁更不幸
生活智慧有口诀 若没法忍 转头又再忍
苦行中长大 在社会不怕暗

是 我知道 是母亲 倾囊传授我
小悲观 是最好调味 别对辛酸过敏

「你屋企用咩包云吞？你使乜知唧？
如果你仲有屋企，乜都得啦。
难食都多啲返屋企食饭啦！
点都唔会难食得过出面嘅。 」