作词 : 蒋志光
作曲 : 古曲
相士大隻西 (feat. 蔣志光)
唱：尹光
曲：古曲
詞：蔣志光
編：麥皓輪
監：陳勇祥
(睇相喇朋友 睇相呢先生
想發逹呀 問我大隻西喇
幾時娶老婆 問我大隻西喇
幾時有仔生 問我大隻西喇
我大隻西相士 有嗰樣講嗰樣 無嗰樣加多樣
總之 多一樣不如少一樣喇
嗱睇相喇朋友 睇相呢先生)
(大隻西相士 乜傢伙咋)
(喂喂喂先生 睇你氣色唔係幾好
你埋嚟等我贈你兩句呢)
(噢 噢)
(先生貴姓呀)
(姓陳哇)
(啊 睇你咁奀瘦 飲食梗係唔多充足喇)
(係吖)
(你有無踎低起身見頭暈 驚親跟住打冷震呢)
(有吖有吖)
(上得百零二百級樓梯 又覺得氣喘呀)
(你點知哇)
(食都多跟住會滯喎)
(你好嘢)
(所以話呢)
你母親原來係女人 佢嫁啱嗰個又姓陳
嗱嗌交時常為兩蚊 拆屋又驚無定瞓啵
嗱你自小好驚怕打針 成日吟沉無錢Fung
你發燒梗會頭暈 做老襯梗喊揼
成日會囉囉攣 又最驚生瘡都慌死變疱疹
嘿你都算太不幸 有乜難言盡快稟啦
等我為你排除唔駛震㗎
(阿陳生 咁啵
你面無四兩肉 眼眉唔過目
人高似碌竹 個相生成孤獨㗎噃)
(吓 咁有無得救呀)
(有 所謂醫者父母心
等本山人指點你嘅迷津喇 聽住啦)
打牌切記咪撞西呢 血壓高你莫踎低
對住小姐咪講粗口 做乜都咪夾硬嚟
事事要認低威 講少句實會唔蝕底㗎啵
我最怕你精得滯 偷食就要慢慢嚟
嗱凡係賭錢 賭得細你莫個巴巴閉
(擔櫈仔掗頭位唔得嘅 仲有呀)
打風行埋騎樓底 你記住頭頂鑲鋼盔
你若冷傷風想躀低 不妨食隻鷄
話之你做人就無所謂 你若遇到壞人實聽一身蟻
佢郁你趙你fung完又再噬
咪咁容易信人 畀人點都無所謂
本山人絕無嚇鬼 睇相無得揮
雖知人人稱我 金漆招牌大隻西